ABŞ-ın Florida ştatındakı Azərbaycan icması gimnastlarımıza azarkeş dəstəyi göstərib
2023
ABŞ-ın Florida ştatındakı Azərbaycan icması gimnastlarımıza azarkeş dəstəyi göstərib
ABŞ-ın Florida ştatında yaşayan Azərbaycan icmasının fəalları Palm-Beach şəhərində keçirilmiş batut gimnastikası və tambilinq üzrə Dünya Kubokunda iştirak etmiş Azərbaycan yığma komandasının üzvlərinə azarkeş dəstəyi göstərib.
Florida Azərbaycanlıları İcmasının rəhbəri Esmira Bayramova bildirib ki, gimnastlarımız Tofiq Əliyev, Adil Hacızadə və Mixail Malkin çıxış edərkən Azərbaycan bayraqlarını dalğalandıran icma üzvlərimiz Sevinc Əliyeva Kirkland, Çingiz Əliyev, Nurlan Səfərov və Elşən Bayramov idmançılarımızın yanında olduqlarını nümayiş etdiriblər.
Mixail Malkinin üç analoji yarışda topladığı ən yüksək nəticəyə əsasən batut gimnastikası və tamblinq üzrə keçirilən Dünya Kubokunda FIG Kubokuna layiq görülməsi, Adil Hacızadə ilə Tofiq Əliyevin gümüş və bürünc medallar qazanması, mükafatlandırma mərasimində Azərbaycan bayrağının yüksəldilməsi icmamız tərəfindən böyük sevinclə qarşılanıb.
Qeyd edək ki, vaxtilə akrobatika ilə məşğul olan icma üzvü Sevinc Əliyeva Kirkland batut gimnastikası və tamblinq üzrə Azərbaycan yığmasının baş məşqçisi, Azərbaycanın əməkdar məşqçisi Adil Hüseynzadənin yetirməsi olub.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/abs-in-florida-statindaki-azerbaycan-icmasi-gimnastlarimiza-azarkes-desteyi-gosterib-3315