ABŞ-nin məşhur Kolumbiya Universitetində Novruz bayramı qeyd olunub
2024
ABŞ-nin məşhur Kolumbiya Universitetində Novruz bayramı qeyd olunub
ABŞ-nin Nyu-York şəhərində yerləşən məşhur Kolumbiya Universitetində Azərbaycan-Amerika Gənclər Federasiyasının (AAYF) təşkilatçılığı ilə Novruz bayramı qeyd olunub. Tədbirdə Nyu-Yorkda, eləcə yaxın ştatlarda yaşayan gənclər iştirak edib.
Azərbaycanlı gəncləri bir araya gətirmək, milli adət-ənənələri tanıtmaq məqsədilə təşkil olunmuş tədbirdə Azərbaycan mətbəxinə aid müxtəlif təamlar, milli şirniyyatlar və Novruz bayramının əsas atributları təqdim edilib, hədiyyəli müsabiqə keçirilib.
Qeyd edək ki, Azərbaycan-Amerika Gənclər Federasiyası təşkilatı 2023-cü ilin iyul ayında ABŞ-də rəsmi qeydiyyatdan keçib. Təşkilatın məqsədi gənclərin səmərəli fəaliyyət göstərməsinə nail olmaq, onların akademik, peşəkar və şəxsi inkişafına töhfə vermək, Azərbaycan mədəniyyətini və dəyərlərini, eləcə də ölkəmizin həqiqətlərini yerli ictimaiyyətə çatdırmaqdır.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/abs-nin-meshur-kolumbiya-universitetinde-novruz-bayrami-qeyd-olunub-4448