BƏƏ-də yaşayan icmamız mini-futbol üzrə Azərbaycan millisinə azarkeş dəstəyi göstərib
2023
BƏƏ-də yaşayan icmamız mini-futbol üzrə Azərbaycan millisinə azarkeş dəstəyi göstərib
Mini-futbol üzrə Azərbaycan millisi Birləşmiş Ərəb Əmirliklərinin (BƏƏ) Ras əl-Xayma şəhərində təşkil olunan dünya çempionatında Misir yığmasına 4:1 hesabı ilə qalib gəlib.
Çempionatın G qrupunun gərgin mübarizə şəraitində keçən son matçı zamanı BƏƏ-də yaşayan Azərbaycan icması futbolçularımıza azarkeşlik edib. Komandamızın qələbəsi tribunalarda Azərbaycan bayraqlarını dalğalandıran və dəstək şüarlarını səsləndirən həmvətənlərimiz tərəfindən böyük sevinc və coşğu ilə qarşılanıb. Bu qələbə ilə Azərbaycan yığması növbəti mərhələyə vəsiqə qazanıb.
Oyundan sonra Azərbaycan icmasının üzvləri yığma komandamızla görüşüb və qələbə münasibətilə idmançıları təbrik ediblər.
Qeyd edək ki, G qrupunda Azərbaycan yığması İraq, Misir və Tunislə mübarizə aparıb. Azərbaycan yığması son Avropa çempionatının qalibidir.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/bee-de-yasayan-icmamiz-mini-futbol-uzre-azerbaycan-millisine-azarkes-desteyi-gosterib-3745