Belçika Krallığında Novruz bayramı qeyd olunub
2024
Belçika Krallığında Novruz bayramı qeyd olunub
16 mart tarixində Belçika Krallığının Brüssel şəhərində Novruz bayramı qeyd edilib. Tədbir bu ölkədə fəaliyyət göstərən “FireLand” Azərbaycanlılar Birliyi tərəfindən təşkil olunub.
Azərbaycan Respublikasının Belçika Krallığındakı səfiri Vaqif Sadıqov qonaqları Novruz bayramı münasibətilə təbrik edib.
Birliyin sədri İlahə Tağıyeva uşaqlara Novruz bayramı haqqında məlumat verib,milli adətlərimizin yaşadılmasının önəmindən danışıb.
Uşaqların ifasında bayram musiqiləri səsləndirilib, milli rəqslərimiz nümayiş olunub.
Daha sonra uşaqlar birlikdə şəkərbura və paxlava hazırlayıb, yumurta boyayıblar.
Tədbirin sonunda isə uşaqlar yumurta döyüşdürüb, papaq atıblar.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/belcika-kralliginda-novruz-bayrami-qeyd-olunub-4426