Berlindəki Azərbaycan həftəsonu məktəbinin şagirdlərinə 20 Yanvar hadisələri barədə məlumat verilib
2024
Berlindəki Azərbaycan həftəsonu məktəbinin şagirdlərinə 20 Yanvar hadisələri barədə məlumat verilib
Berlin şəhərində fəaliyyət göstərən “Xarı Bülbül” Azərbaycan Mədəniyyət Evinin nəzdindəki Azərbaycan həftəsonu məktəbinin növbəti dərsinin mövzusu 20 Yanvar hadisələrinə həsr edilib.
20 Yanvar şəhidlərinin əziz xatirəsinin bir dəqiqəlik sükutla yad edilməsi ilə başlayan dərsdə “Xarı Bülbül” Azərbaycan Mədəniyyət Evinin sədri, Almaniya Azərbaycanlıları Alyansının İdarə Heyətinin sədr müavini Sevda Badaliouri və müəllimlər çıxış ediblər. Məktəblilərə Azərbaycanın ən yeni tarixinə həm böyük faciə, həm də milli azadlıq mübarizəsinin qəhrəmanlıq səhifəsi kimi həkk olunmuş 20 Yanvar faciəsi barədə ətralı məlumat verilib. Həmin günün heç bir zaman unudulmaması üçün gənc nəslin üzərinə düşən vəzifələrə diqqət cəlb edilib.
Prezident, Ali Baş Komandan İlham Əliyevin yürütdüyü misilsiz siyasət nəticəsində Qarabağda əldə olunmuş parlaq qələbənin, Azərbaycanın ərazi bütövlüyünün və suverenliyinin tam bərpa olunması kimi tarixi hadisənin bütün şəhidlərimizin, o cümlədən 20 Yanvar şəhidlərinin ruhunu şad etdiyi vurğulanıb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/berlindeki-azerbaycan-heftesonu-mektebinin-sagirdlerine-20-yanvar-hadiseleri-barede-melumat-verilib-4097