Daşkənddə 20 Yanvar şəhidləri yad edilib
, 2024
Daşkənddə 20 Yanvar şəhidləri yad edilib
Daşkənd şəhərində fəaliyyət göstərən Azərbaycan icmasının 20 Yanvar faciəsinin 34-cü ildönümü ilə əlaqədar anım tədbiri keçirilib.
Özbəkistanda Respublika Azərbaycan Milli Mədəniyyət Mərkəzinin təşkilatçılığı ilə baş tutan tədbir 20 Yanvar şəhidlərinin xatirəsinin bir dəqiqəlik sükutla yad edilməsi ilə başlayıb.
Tədbirdə çıxış edənlər 32 il öncə SSRİ rəhbərliyinin göstərişi ilə sovet ordusu tərəfindən Bakıda dinc və günahsız sakinlərə qarşı törədilən qanlı qırğının xalqımızın azadlıq uğrunda mübarizəsini boğmaq məqsədi güddüyünü xatırladıblar. Xüsusi amansızlıqla törədilmiş bu dəhşətli hərbi cinayətin xalqımızın iradəsini sarsıda bilmədiyi, qısa müddətdən sonra Azərbaycanın dövlət müstəqilliyinin bərqərar olduğunu diqqətə çatdırıblar.
Xalqımızın bu faciəni heç bir zaman unutmayacağı, hər il 20 Yanvar şəhidlərinin xatirəsini böyük ehtiramla yad etdikləri, Prezident, Ali baş Komandan İlham Əliyevin rəhbərliyi altında Azərbaycanın ərazi bütövlüyünün və suverenliyinin tam bərpa edilməsi kimi tarixi qələbə ilə bütün şəhidlərimizin, o cümlədən 20 yanvar şəhidlərinin ruhunun şad olduğu vurğulanıb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/daskendde-20-yanvar-sehidleri-yad-edilib-4102