Diaspor nümayəndələri “Bakı Payızı” müsabiqəsində uğurla təmsil olunub
, 2023
Diaspor nümayəndələri “Bakı Payızı” müsabiqəsində uğurla təmsil olunub
Noyabrın 3-də Heydər Əliyev sarayında “Bakı Payızı 2023 – 35 il sonra” müsabiqəsinə yekun vurulub.
Tədbirin rəsmi hissəsində Diasporla İş üzrə Dövlət Komitəsinin, Mədəniyyət Nazirliyinin, “Azərbaycan Televiziya və Radio Verilişləri” QSC-nin və digər təşkilatların nümayəndələri çıxış edərək, 5 müxtəlif janr üzrə qalibləri təbrik ediblər.
Diasporla İş üzrə Dövlət Komitəsinin adından qalibləri və tamaşaçıları salamlayan sədrin müşaviri Emin Rüstəmov bildirib ki, xaricdə yaşayan azərbaycanlılar bu nüfuzlu müsabiqədə uğurla çıxış ediblər. Komitənin xaricdə yaşayan hər bir azərbaycanlıya dəstək olduğunu nəzərə çatdıran E.Rüstəmov bütün müsabiqə qaliblərinə yaradıcılıq uğurları arzulayıb.
Mükafatlandırma mərasimi zamanı Komitənin adından 3 nəfər iştirakçıya – Könül Manel (Qazaxıstan), Nazilə Əliyeva (Rusiya) və Teymur Kazımova (Rusiya) təşəkkürnamə və mükafat təqdim edilib.
Tədbir müsabiqə qaliblərinin və tanınmış sənətkarların ifasında zəngin konsert proqramı ilə davam etdirilib.
Qeyd edək ki, nüfuzlu müsabiqənin dəstəkçilərindən biri Diasporla İş üzrə Dövlət Komitəsi olub.
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/diaspor-numayendeleri-baki-payizi-musabiqesinde-ugurla-temsil-olunub-3755