Diasporla İş üzrə Dövlət Komitəsi Qırğızıstan Xalq Assambleyasının 30 illik yubiley tədbirində təmsil olunub
2024
https://x.com/DiasporaAz/status/1806598717639688574
Diasporla İş üzrə Dövlət Komitəsi Qırğızıstan Xalq Assambleyasının 30 illik yubiley tədbirində təmsil olunub
https://x.com/DiasporaAz/status/1806598717639688574
Bişkek şəhərində Qırğızıstan Xalq Assambleyasının 30 illik yubileyinə həsr edilmiş tədbir keçirilib.
Qırğız Respublikasının Prezidentinin Ala-Arça dövlət iqamətgahında təşkil olunmuş tədbirdə 100-dən çox milli və etnik azlıq nümayəndəsi, həmçinin Azərbaycan, Qazaxıstan, Rusiya və Özbəkistandan yüksək səviyyəli qonaqlar iştirak ediblər.
https://x.com/DiasporaAz/status/1806598717639688574
Qırğız Respublikasının Dövlət katibi Suyunbek Kasmambetov Prezident Sadır Japarovun müraciətini oxuyub. Onları yubiley münasibətilə təbrik edərək dövlət dilinin və çoxdilliliyin inkişafının ölkə hakimiyyəti üçün prioritet məsələlərdən biri olduğunu bildirib. O, gələcəkdə Məclisin dövlət-ictimai təşkilat kimi hüquqi statusunun müəyyənləşdirilməsinin nəzərdə tutulduğunu söyləyib. Qırğızıstan Xalq Assambleyasının 22 yanvar 1994-cü ildə Qırğızıstan xalqının ilk qurultayında təşkil olunduğunu və o vaxtdan xalqın birliyinin möhkəmlənməsinə, millətlərarası münasibətlərin inkişafına, vətəndaş bərabərliyinin formalaşmasına öz töhfəsini verdiyini vurğulayıb.
Daha sonra Diasporla İş üzrə Dövlət Komitəsinin sədr müavini Vaqif Seyidbəyov toplantı iştirakçılarına Komitə sədri Fuad Muradovun təbriklərini çatdırıb. Sədr müavini Azərbaycan və qırğız xalqlarının tarixi, dili, dini və mədəni dəyərləri baxımından bir-birinə sıx bağlı olduğunu, Qırğızıstan Xalq Assambleyasının ölkə ərazisində yaşayan xalqlar, o cümlədən azərbaycanlılar üçün siyasi, sosial-iqtisadi, konstitusion, mədəni və digər hüquq və azadlıqlarının qorunmasının təminatçısı qismində çıxış etdiyini bildirib. Müstəqillik dövründə Ümummilli Lider Heydər Əliyevin təşəbbüsü ilə ölkələrimiz arasında münasibətlərin yaradılması və möhkəmləndirilməsini, Prezident İlham Əliyevin həmin münasibətləri strateji tərəfdaşlıq səviyyəsinə yüksəltməsini məmnuniyyətlə vurğulayıb. Son aylar Qırğızıstandakı Azərbaycan diasporunun fəaliyyətində müşahidə olunan canlanmanın dövlətlərimiz arasında münasibətlərin inkişafına öz töhfəsini verəcəyi əminliklə qeyd edilib.
Tədbir çərçivəsində Qırğızıstan Xalq Assambleyasının X Qurultayı baş tutub, qurumun hazırkı sədri Almambet Matubraimov yenidən növbəti beş il üçün Assambleyanın sədri seçilib. Qırğızıstanda fəaliyyət göstərən Azərbaycan diaspor təşkilatı olan “Birlik” İctimai Birliyinin sədri Xansıvar Baxşəliyev Assambleya şurasına üzv seçilib. Qurultayda Qırğızıstan Xalq Assambleyasının Nizamnaməsi təsdiq edilib, fəal diaspor nümayəndələrinə müxtəlif hədiyyələr verilib.
https://x.com/DiasporaAz/status/1806598717639688574
Azərbaycan Respublikasının Diasporla İş üzrə Dövlət Komitəsinin “Diaspor fəaliyyətində xidmətə görə” medalı Qırğızıstan Xalq Assambleyasının sədri Almambet Matubraimova təqdim olunub.
Bununla yanaşı tədbir çərçivəsində Qırğız Respublikasının Prezidenti yanında Dövlət Dili və Dil Siyasəti üzrə Milli Komissiyasının yeni təyin olunmuş sədri Melis Muratəliyevlə görüş keçirilib. Görüşdə ölkələrimiz və xalqlarımız arasında tərəfdaşlıq və dostluq əlaqələri, beynəlxalq platformalarda qarşılıqlı dəstək aksiyaları, həmçinin dahi yazıçı Nizami Gəncəvinin əsərlərinin qırğız dilinə tərcüməsi mümkünlüyü barədə fikir mübadiləsi aparılıb. M.Muratəliyev Azərbaycana səfərini məmnunluqla xatırlayaraq, imzalanmış memorandum çərçivəsində birgə layihələrin davam etdirilməsinə hazır olduqlarını bildirib.
FOTO QALEREYA
https://x.com/DiasporaAz/status/1806598717639688574
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/diasporla-is-uzre-dovlet-komitesi-qirgizistan-xalq-assambleyasinin-30-illik-yubiley-tedbirinde-temsil-olunub-4901
https://x.com/DiasporaAz/status/1806598717639688574