Diasporla İş üzrə Dövlət Komitəsinin əməkdaşları ümummilli lider Heydər Əliyevin məzarını ziyarət ediblər
5 iyul, 2023
Diasporla İş üzrə Dövlət Komitəsinin yaradılmasının 21 illiyi münasibətilə komitə əməkdaşları Fəxri Xiyabanda müasir Azərbaycan dövlətinin qurucusu, ümummilli lider Heydər Əliyevin əziz xatirəsini ehtiramla yad ediblər.
Diasporla İş üzrə Dövlət Komitəsinin əməkdaşları ümummilli lider Heydər Əliyevin məzarını ziyarət ediblər
Dövlət Komitəsinin əməkdaşları və Bakıda səfərdə olan diaspor fəalları ulu öndərin məzarını ziyarət edib, əklil və gül dəstələri qoyublar.
Görkəmli oftalmoloq alim, akademik Zərifə xanım Əliyevanın məzarı ziyarət olunub.
Xatırladaq ki, ümummilli lider Heydər Əliyevin təşəbbüsü ilə 9-10 noyabr 2001-ci il tarixində Bakıda keçirilən Dünya Azərbaycanlılarının I Qurultayında xaricdəki həmvətənlərimizlə sistemli iş aparılmasını təşkil etmək, soydaşlarımız arasında milli birliyin möhkəmləndirilməsini təmin etmək məqsədilə xüsusi dövlət qurumunun yaradılması ideyası irəli sürülüb. 5 iyul 2002-ci ildə Azərbaycan Respublikasının Prezidenti cənab Heydər Əliyev “Xaricdə Yaşayan Azərbaycanlılarla İş üzrə Dövlət Komitəsinin yaradılması haqqında” Fərman imzalayıb.
Azərbaycan Respublikasının Prezidenti cənab İlham Əliyevin 2008-ci il 19 noyabr tarixli Sərəncamı ilə Xarici Ölkələrdə Yaşayan Azərbaycanlılarla İş üzrə Dövlət Komitəsinin əsasında Diasporla İş üzrə Dövlət Komitəsi yaradılıb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
Kaynak:https://diaspor.gov.az/az/news-detail/diasporla-is-uzre-dovlet-komitesinin-emekdaslari-umummilli-lider-heyder-eliyevin-mezarini-ziyaret-edibler-3188