Forum iştirakçıları millət vəkili, akademik Rafael Hüseynovla görüşüblər
2023
Forum iştirakçıları millət vəkili, akademik Rafael Hüseynovla görüşüblər
Türk Dövlətlərinin Diaspor Gənclərinin I Forumunun iştirakçılarının Milli Məclisin üzvü, Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovla görüşü keçirilib.
Nizami Gəncəvi adına Milli Azərbaycan Ədəbiyyatı Muzeyi ilə tanışlıq çərçivəsində baş tutan görüşdə 15 ölkəni təmsil edən diaspor gəncləri, Türk Dövlətləri Təşkilatının Baş katibinin müavini Yerzhan Mukaş və Türk Dövlətləri Əməkdaşlıq Şurasının layihə direktoru Ali Çiviler iştirak ediblər.
Gənclər qarşısında çıxış edən akademik bildirib ki, Diasporla İş üzrə Dövlət Komitəsinin sentyabrın son günlərində Bakıda keçirdiyi Türk Dövlətləri Diaspor Gənclərinin I Forumu geniş əks-səda doğurub. Sonra alim türk dünyasındakı diaspor gənclərinin birliyinin bu günü və perspektivlərinə dair məruzə ilə çıxış edib.
Tədbir qonaqların çoxsaylı suallarının cavablandırılması və xatirə şəklinin çəkilməsi ilə yekunlaşıb.
Qeyd edək ki, Diasporla İş üzrə Dövlət Komitəsində keçirilmiş forumun “Heydər Əliyev və Türk Dünyası” mövzusuna həsr olunmuş ilk panelinə Rafael Hüseynov moderatorluq edib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/forum-istirakcilari-millet-vekili-akademik-rafael-huseynovla-gorusubler-3616