Komitə əməkdaşları Qaraçöp mahalındakı “Parlaq gələcək” tədris mərkəzində olublar
, 2023
Komitə əməkdaşları Qaraçöp mahalındakı “Parlaq gələcək” tədris mərkəzində olublar
Gürcüstana səfər çərçivəsində Diasporla İş üzrə Dövlət Komitəsinin əməkdaşları Saqareco rayonunun Qaraçöp mahalında yaradılmış “Parlaq gələcək” tədris mərkəzinin fəaliyyəti ilə tanış olublar.
Görüş zamanı “Parlaq gələcək” tədris mərkəzinin həmtəsisçisi, Yormuğanlı ictimai məktəbinin biologiya müəllimi Rafael Süleymanov fəaliyyətləri və gələcək planları barədə qonaqlara ətraflı məlumat verib. Bu mərkəzin Qaraçöp mahalında yaşayan yüzlərlə azərbaycanlı şagirdin maariflənməsi və gürcü ictimaiyyətinə inteqrasiya etməsi məqsədilə təsis olunduğunu bildirib.
Bu fəaliyyətə Kitab evini yaratmaqla başladıqlarını söyləyən həmtəsisçi deyib ki, gələcək planlarına Azərbaycan, gürcü, ingilis dilləri, kompyüter kurslarınin, musiqi, rəqs, rəsm və idman dərnəklərinin açılması daxildir. Bu layihələrinə Diasporla İş üzrə Dövlət Komitəsi tərəfindən təstək göstərilməsinə ümid bəslədiklərini vurğulayıb.
Diasporla İş üzrə Dövlət Komitəsinin adından “Parlaq gələcək” Kitab evinə “Heydər Əliyev – 100” kitabı, Azərbaycana və Qarabağa həsr olunmuş fotoalbomlar hədiyyə edilib. Qeyd edək ki, “Heydər Əliyev – 100” kitabı Komitənin dəstəyi və Tbilisidəki “Alyans” Gənclər Birliyinin layihəsi əsasında gürcü dilində işıq üzü görüb.
Xatırladaq ki, Saqarecoda 30 min azərbaycanlı yaşayır və onlar rayonun ümumi əhali sayının 34 faizini təşkil edir.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/komite-emekdaslari-qaracop-mahalindaki-parlaq-gelecek-tedris-merkezinde-olublar-2873