Komitə sədri “Alberta Azərbaycan Mədəniyyəti Cəmiyyəti”nin vitse-prezidenti və tanınmış fotoqrafla görüşüb
, 2023
Komitə sədri “Alberta Azərbaycan Mədəniyyəti Cəmiyyəti”nin vitse-prezidenti və tanınmış fotoqrafla görüşüb
Diasporla İş üzrə Dövlət Komitəsinin sədri Fuad Muradovun Kanadanın Kalqari şəhərində fəaliyyət göstərən “Alberta Azərbaycan Mədəniyyəti Cəmiyyəti”nin (ALACS) vitse-prezidenti İradə Şamilova və həyat yoldaşı Aleksandr Qubski ilə görüşü olub.
Komitə sədri Kanadanın Alberta əyalətində soydaşlarımızın bir araya gəlməsi, dostluq əlaqələrinin möhkəmləndirilməsi, Azərbaycan həqiqətlərinin və mədəniyyətinin təbliğ olunması istiqamətində ALACS-ın gördüyü işləri yüksək qiymətləndirib, diaspor təşkilatının fəaliyyətinin daha da genişləndirilməsi baxımından nəzərdə tutulan layihələrlə maraqlanıb.
“Dəmir yumruğun gücü ilə biz Şuşadayıq” layihəsi çərçivəsində mədəniyyət paytaxtımızda olduqlarını vurğulayan qonaqlar bu səfərin təşkilinə görə Komitəyə təşəkkür edib, Şuşaya və Azərbaycanın digər bölgələrinə səfərlər zamanı ölkəmizin füsünkar təbiətinə və xalqımızın qonaqpərvərliyinə heyran olduqlarını bildiriblər.
Peşəkar fotoqraf olan Aleksandr Qubski qeyd edb ki, səfər zamanı çoxlu fotoşəkillər çəkib və Azərbaycana həsr olunmuş fotosessiya xaricdə keçirilən müxtəlif sərgilərdə, festivallarda təqdim olunacaq.
Görüş ALACS-ın gələcək planlarına dair fikir mübadiləsinin aparılması ilə yekunlaşıb.
Xatırladaq ki, “Alberta Azərbaycan Mədəniyyəti Cəmiyyəti”nin nəzdində “Azəri Kalqari Ulduzları” (“Azeri Calgary Stars”) rəqs qrupu fəaliyyət göstərir.
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/komite-sedri-alberta-azerbaycan-medeniyyeti-cemiyyeti-nin-vitse-prezidenti-ve-taninmis-fotoqrafla-gorusub-3269