Kütahya şəhərində Heydər Əliyevin xatirəsi yad edilib
2023
Kütahya şəhərində Heydər Əliyevin xatirəsi yad edilib
Türkiyənin Kütahya şəhərində müasir Azərbaycan dövlətinin qurucusu Heydər Əliyevin vəfatının 20-ci ildönümü ilə əlaqədar anım tədbiri keçirilib.
Kütahya Azərbaycanlıları Kültür və Həmrəylik Dərnəyinin təşkilatçılığı ilə baş tutan tədbirdə yerli dövlət orqanlarının təmsilçiləri, qonaqlar və azərbaycanlı tələbələr iştirak ediblər.
Görkəmli dövlət xadimi Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayan tədbirdə Azərbaycanın və Türkiyənin Dövlət himnləri səsləndirilib.
Anım tədbirində çıxış edən dərnək sədri İlqar İdrisov ulu ondərin xilaskar missiyasından, ölkəmizin ən ağır günlərində xalqın tələbi ilə hakimiyyətə gəlməsindən, Azərbaycanın dövlət müstəqilliyinin qorunub saxlanılması, möhkəmləndirilməsi və inkişafının əsasının qoyulması naminə misilsiz xidmətlər göstərdiyindən danışıb.
Tədbir dahi şəxsiyyətin həyat və fəaliyyətini əks etdirən videoçarxın nümayişi, tələbələrin ona həsr olunmuş şeirlər səsləndirməsi ilə başa çatıb.
Tədbir çərçivəsində Heydər Əliyevə həsr olunmuş foto-sərgi təqdim edilib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/kutahya-seherinde-heyder-eliyevin-xatiresi-yad-edilib-3923