Londondakı Avropa Azərbaycan məktəbində Novruz şənliyi təşkil edilib
28 mart, 2023
Londondakı Avropa Azərbaycan məktəbində Novruz şənliyi təşkil edilib
İngiltərənin paytaxtı Londonda fəaliyyət göstərən Avropa Azərbaycan məktəbində Novruz şənliyi keçirilib.
“Natəvan Group”un təşkilatçılığı ilə baş tutan bayram şənliyində Azərbaycanın Böyük Britaniya və Şimali İrlandiya Birləşmiş Krallığındakı səfirliyinin əməkdaşları, məktəb şagirdləri və tələbələr, Azərbaycan icmasının və medianın nümayəndələri iştirak ediblər.
Tədbir iştirakçılarını salamlayan “Natəvan Qroup”un idarə heyətinin üzvləri Səbinə Quliyeva və Səbinə Rakçeyeva soydaşlarımızı bayram münasibətilə təbrik ediblər.
Bayram şənliyində çıxış edən Azərbaycanın Böyük Britaniya və Şimali İrlandiya Birləşmiş Krallığındakı səfiri Elin Süleymanov və başqaları barış, nikbinlik, dostluq, bərəkət və xeyirxahlıq rəmzi olan Novruz bayramı münasibətilə xalqımıza xoş arzularını bildiriblər
Bayram şənliyi Novruza xas əyləncəli oyunlar və məktəb şagirdlərinin ifasında konsert proqramı ilə davam edib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
Kaynak:http://diaspor.gov.az/az/news-detail/londondaki-avropa-azerbaycan-mektebinde-novruz-senliyi-teskil-edilib-2688