Nyu-Yorkda yaşayan idmançımız cüdo üzrə Amerika çempionu olub
, 2023
Nyu-Yorkda yaşayan idmançımız cüdo üzrə Amerika çempionu olub
ABŞ-ın Nyu-York şəhərində yaşayan azərbaycanlı peşəkar cüdoçu Zaur Cəlil Dallas şəhərində keçirilən cüdo üzrə Açıq Çempionatda birinci yeri tutub.
İrvinq konfrans mərkəzində baş tutan çempionat zamanı öz çəki dərəcəsində tatami üzərinə çıxan soydaşımız rəqibləri üzərində üstünlük əldə edib. Bundan başqa, Prezident Kuboku yarışmasında M-2 81 çəki dərəcəsində bütün rəqiblərinə qalib gəlib. Beləliklə, öz çəkisində ən yüksək pilləyə qalxan idmançı 2 qızıl medala yiyələnib. Çempion iki gün (18-19 noyabr 2023-cü il) ərzində ardıcıl olaraq qazandığı qələbələrini dogma vətənimizə həsr edib.
Qeyd edək ki, idmançımız ABŞ-da yaşayan, Nyu-York Azərbaycan Mədəniyyət Mərkəzinin prezidenti Telman Cəlilovun övladıdır. Zaur 2006-cı ildən indiyədək müxtəlif ştatlarda keçirilən yarışların çempionu olub, çoxsaylı medal və kuboklarla təltif edilib.
Diasporla İş üzrə Dövlət Komitəsi həmyerlimizi qələbələri münasibətilə ürəkdən təbrik edir, idmançı karyerasında davamlı uğurlar arzulayır.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/nyu-yorkda-yasayan-idmancimiz-cudo-uzre-amerika-cempionu-olub-3835