Rostov-na-Donu şəhərində “Heydər Əliyev İli” çərçivəsində beynəlxalq forum təşkil edilib
, 2023
Rostov-na-Donu şəhərində “Heydər Əliyev İli” çərçivəsində beynəlxalq forum təşkil edilib
Rusiyanın Rostov-na-Donu şəhərində müasir Azərbaycan dövlətinin qurucusu Heydər Əliyevin 100 illik yubileyi münasibətilə “Qələbənin rəmzləri” mövzusunda beynəlxalq forum keçirilib.
“Birlik” Don Azərbaycanlıları İttifaqı və Cənubi Rusiya Universitetinin (İdarəetmə, biznes və hüquq İnstitutu) birgə təşkilatçılığı ilə “Sambek yüksəklikləri” hərbi-tarixi muzey kompleksində baş tutan tədbirdə Taqanroq şəhər administrasiyasının başçısı Andrey Fateyev, Rusiya Federasiyasının əməkdar mədəniyyət işçisi, jurnalist Lyubov Surkova, “Qələbənin könüllüləri” Ümumrusiya ictimai hərəkatının Rostov regional şöbəsinin rəhbəri Artyom Tolpıgin, şəhər ictimaiyyətinin nümayəndələri və soydaşlarımız iştirak ediblər.
Cənubi Rusiya Universitetinin rektoru, iqtisad elmləri doktoru, professor İmran Əkbərov tədbiri giriş sözü ilə açaraq forum iştirakçılarını salamlayıb.
Tədbirdə çıxış edən “Birlik” Don Azərbaycanlıları İttifaqının icraçı direktoru Yeganə Əhmədova ümummilli lider Heydər Əliyevin həyat və fəaliyyəti barədə geniş məlumat verib. Tədbirdə xalqımızın dahi oğlunun təşəbbüsü ilə Taqanroqun alman faşistlərindən azad edilməsində iştirak etmiş 130-cu və 416-cı Azərbaycan atıcı diviziyaları döyüşçülərinin xatirəsinə şəhərin Sambek təpələrində Şöhrət Memorialının yaradıldığı, 1980-ci ildə onun birbaşa iştirakı ilə bu abidənin açıldığı xatırlanıb. Abidənin təkcə xalqlarımızın Qələbəsinin deyil, həm də Rusiya və Azərbaycan xalqları arasında dostluq rəmzi olduğu vurğulanıb.
Dünya ictimaiyyətinin hər zaman bütün çətinlikləri cəsarətlə dəf edən, xalqına və özünə güvənən sanballı siyasətçi gördüyü diqqətə çatdırılıb.”Müstəqil Azərbaycan dövlətinin qurucusunun davranışı, ifadə tərzi, zahiri görkəmi hər zaman ləyaqəti təcəssüm etdirirdi”, – deyə icraçı direktor qürurla əlavə edib.
Tədbir çərçivəsində Şöhrət Memorialı ziyarət edilib və vətənpərvərlik mövzuda yaradıcılıq müsabiqəsi keçirilib Rostov-na-Donu şəhərində yaşayan Kəmalə Hüseynovanın “Qələbə salnaməsi” əsəri birinci yerə layiq görülüb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/rostov-na-donu-seherinde-heyder-eliyev-ili-cercivesinde-beynelxalq-forum-teskil-edilib-3904