Rotterdamdakı icmamız kikboksinq yarışında tanınmış idmançımıza azarkeşlik dəstəyi nümayiş etdirib
2023
Rotterdamdakı icmamız kikboksinq yarışında tanınmış idmançımıza azarkeşlik dəstəyi nümayiş etdirib
Niderland Krallığında yaşayan Azərbaycan icması Rotterdam şəhərində keçirilmiş kikboksinq üzrə mötəbər turnirdə azərbaycanlı idmançı Bəhram Rəcəbzadəyə azərkeşlik dəstəyi göstərib.
“Benilüks Azərbaycanlıları Konqresi”nin rəhbəri Elsevər Məmmədov bildirib ki, dünyanın ən nüfuzlu kikboksinq təşkilatlarından biri olan “Glory 87”-nin təşkil etdiyi yarışda Azərbaycan Kikboksinq Federasiyasını təmsil edən, ayağından aldığı zədəyə baxmayaraq parlaq çıxış nümayiş etdirən Bəhram Rəcəbzadənin rəqibləri üzərində inamlı qələbə qazanması soydaşlarımızın böyük sevinci və çosğusu ilə qarşılanıb.
Diasporla İş üzrə Dövlət Komitəsinin dəstəyi ilə yarışlara hazırlaşan Bəhram Rəcəbzadə bu qələbəsi ilə “GLORY” təşkilatının mütləq çəkidə möhtəşəm 8-lik turnirinə vəsiqəni təmin edib.
Qeyd edək ki, Bəhram Rəcəbzadə 1991-ci ildə Qərbi Azərbaycan ostanının Urmiya şəhərində anadan olub. 7 yaşından idmanla məşğul olan soydaşımız ilk nailiyyətini 10 yaşında əldə edib. Kikboksinq üzrə 3 qat İran çempionu və 8 qat super liqa çempionudur. 2015-ci idən Azərbaycana dəvət alan idmançı 2016-cı ildə kikboksinq üzrə Azərbaycan çempionu olub. Hazırda beynəlxalq yarışlarda Azərbaycanı təmsil edir.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/rotterdamdaki-icmamiz-kikboksinq-yarisinda-taninmis-idmancimiza-azarkeslik-desteyi-numayis-etdirib-3389