Stokholmda azərbaycanlı yazıçı ilə görüş təşkil edilib
, 2023
Stokholmda azərbaycanlı yazıçı ilə görüş təşkil edilib
İsveçin paytaxtı Stokholmda yaşayan və fəaliyyət göstərən azərbaycanlı yazıçı, Azərbaycan diasporunun fəal üzvü Eluca Atalının yerli ictimaiyyətin nümayəndələri ilə görüşü keçirilib.
Görüş İsveç-Azərbaycan Dərnəyinin (“SAF”) və Stokholm bələdiyyəsinin (Folk Huset) birgə əməkdaşlığı nəticəsində gerçəkləşdirilib.
Tədbir iştirakçılarını Azərbaycan və İsveç dillərində salamlayan “SAF”ın rəhbəri Sevda Dadaşova yazıçı Eluca Atalının həyat və yaradıcılıq fəaliyyəti barədə məlumat verib.
Tədbirdə çıxış edən yazıçı müraciət etdiyi ədəbi janrlardan, onlara yanaşma prinsipindən və aspektlərindən, son illərdə işıq üzü görən əsərlərindən danışıb, indiyədək müxtəlif ölkələrdə 35 kitabının nəşr olunduğunu bildirib.
Müəllifin yaradıcılığı haqda fikirlərini bölüşən soydaşlarımız – pianoçu Aydın Ziyadxanlı, yazıçı Şəlalə Əbil, rejissor Rahim Sadıqbəyli onun əsərlərini yüksək qiymətləndiriblər.
Görüş konsert proqramı və “Qarabağ” rəqs qrupunun çıxışı ilə davam edib.
Tədbir çərçivəsində yazıçının kitabları nümayiş etdirilib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/stokholmda-azerbaycanli-yazici-ile-gorus-teskil-edilib-2798