Tbilisidə Heydər Əliyevin 100 illiyi münasibətilə tədbir keçirilib
, 2023
Tbilisidə Heydər Əliyevin 100 illiyi münasibətilə tədbir keçirilib
Tbilisidə fəaliyyət göstərən “Alyans” Gənclər Mərkəzində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə tədbir keçirilib.
Tədbirdə Diasporla İş üzrə Dövlət Komitəsinin, Azərbaycanın Gürcüstandakı səfirliyinin əməkdaşları, gürcü və azərbaycanlı siyasətçilər, mərkəzin müəllim və tələbələri iştirak ediblər.
“Alyans” Gənclər Mərkəzinin sədri Leyla Əmrahova tədbir iştirakçılarını salamladıqdan sonra Azərbaycanın və Gürcüstanın Dövlət himnləri səsləndirilib.
Dünyanın nüfuzlu siyasətçilərindən biri olan Heydər Əliyevin həyat və fəaliyyətindən bəhs edən sənədli filmin nümayişi ilə davam edən tədbirdə gürcü siyasətçisi Levan Mamaladze, Azərbaycanın Gürcüstandakı səfirliyinin əməkdaşı Anar Rəsulov, politoloq Mübariz Qarayev və “Alyans” Gənclər Mərkəzinin icraçı direktoru Rəna Hüseynova çıxış ediblər.
Heydər Əliyevin həm sovetlər dövründə, həm də müstəqilliyik illərində Azərbaycanın, Gürcüstanın, eləcə də bütövlükdə Cənubi Qafqazın inkişafında mühüm rol oynadığı, hakimiyyətə möhtəşəm dönüşü ilə Azərbaycan və Gürcüstan dövlətlərini məhv olmaqdan xilas etdiyi, Azərbaycan və Gürcüstan prezidentləri Heydər Əliyevlə Eduard Şevardnadze arasındakı möhkəm dostluq münasibətləri nəticəsində iki dost və qonşu ölkənin tarixin ağır sınaqlarından alnıaçıq, üzüağ çıxdığı vurğulanıb. Ulu öndərin Gürcüstanda yaşayan soydaşlarımıza göstərdiyi diqqət və qayğıya, Azərbaycan səfirliyinin “Heydər Əliyev İli” çərşivəsində təşkil etdiyi tədbirlərə diqqət cəlb edilib. Ümummilli liderin tövsiyə və nəsihətlərini unutmadıqlarını söyləyən natiqlər onunla bağlı xatirələrini bölüşüblər.
Sonra Diasporla İş üzrə Dövlət Komitəsinin dəstəyi, “Alyans” Gənclər Mərkəzinin layihəsi əsasında gürcü dilində dərc olunmuş “Heydər Əliyev – 100” kitabı təqdim edilib.
Tədbir çərçivəsində mərkəzin gənc rəssamlarının Heydər Əliyevə həsr etdikləri rəsm əsərləri nümayiş olunub.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/tbiliside-heyder-eliyevin-100-illiyi-munasibetile-tedbir-kecirilib-2931