Toronto şəhərində Həmrəylik Günü qeyd edilib
20 dekabr, 2023
Toronto şəhərində Həmrəylik Günü qeyd edilib
Kanadanın Toronto şəhərində fəaliyyət göstərən Azərbaycan Evinin nəzdindəki həftəsonu məktəbinin Dünya Azərbaycanlılarının Həmrəylik Günü və Yeni il münasibətilə bayram şənliyi keçirilib.
Azərbaycan Evinin və “Vətən” Azərbaycan İncəsənət və Mədəniyyət Mərkəzinin təşkilatçılığı ilə baş tutan tədbirdə məktəbin şagirdləri, valideynlər və Azərbaycan icmasının fəalları iştirak ediblər.
Tədbirdə çıxış edən Azərbaycan Evinin və “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova və Şeppard dövlət məktəbinin direktoru İradə Kərimova məktəbliləri və soydaşlarımızı bayramlar münasibətilə təbrik edib, xoş arzularını bildiriblər.
Sonra məktəblilərin ifasında şeirlər və mahnılar səsləndirilib, milli rəqslərimiz nümayiş etdirilib. Tədbir əyləncəli proqramla davam edib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/toronto-seherinde-hemreylik-gunu-qeyd-edilib-3981