Xocalı qurbanları Helsinki Azərbaycan Evində anılıb
, 2024
Xocalı qurbanları Helsinki Azərbaycan Evində anılıb
Finlandiyanın Helsinki şəhərində fəaliyyət göstərən Azərbaycan Evində Xocalı soyqırımının 32-ci ildönümü ilə əlaqədar tədbir keçirilib. Tədbirdə Helsinki Azərbaycan Evində fəaliyyət göstərən həftəsonu məktəbinin şagirdləri və onların valideynləri iştirak edib. İlk olaraq, Xocalı soyqırımı qurbanlarının əziz xatirəsi bir dəqiqəlik sükutla yad edilib. Şagirdlərə Xocalı soyqırımının tarixini izah etmək üçün slaydlar nümayiş olunub. Tədbirin sonunda erməni vəhşiliyini əks etdirən “İşgəncələr məbədi-Şuşa həbsxanası”sənədli filmi nümayiş olunub.
Qeyd edək ki, “Xocalıya Ədalət” təbliğat və təşviqat kampaniyası çərçivəsində diaspor təşkilatları və xaricdə fəaliyyət göstərən Azərbaycan evləri tərəfindən Xocalı həqiqətlərini dünya ictimaiyyətinin diqqətinə çatdırmaq, erməni işğalçılarının mənfur əməllərini beynəlxalq müstəvidə tanıtmaq məqsədilə müxtəlif səpkili tədbirlər həyata keçirilir.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/xocali-qurbanlari-helsinki-azerbaycan-evinde-anilib-4308