Жаңалықтар
Халықаралық қоғамдастық
Мемлекет басшысы Қасым-Жомарт Тоқаев БАӘ Президенті шейх Мұхаммед бен Зайд Әл Нахаянмен кездесті
2022 жылғы 15 мамыр
БАӘ
Мемлекет басшысы Қасым-Жомарт Тоқаев БАӘ Президенті шейх Халифа бен Зайд Әл Нахаянның қайтыс болуына байланысты осы елдің жаңадан сайланған Президенті, Абу Дабидің билеушісі шейх Мұхаммед бен Зайд Әл Нахаянға және билеуші әулеттің мүшелері мен Әмірліктер халқына көңіл айту үшін Біріккен Араб Әмірліктеріне келді. Көшбасшылардың кездесуі Президенттің Абу Дабидегі Қасру-л Мушриф сарайында өтті.
Мемлекет басшысы Қазақстан халқының және жеке өзінің атынан көңіл айтып, шейх Халифаның елді өркендету жолындағы ерен еңбегін атап өтті.
– Әмірліктердің ел ішіндегі және халықаралық деңгейдегі көптеген жетістігі шейх Халифаның есімімен байланысты. Оның дана басшылығымен БАӘ Таяу Шығыстағы бейбітшілік пен тұрақтылықтың күшті жақтаушысы болды, сонымен қатар бүкіл араб әлемі үшін қарқынды экономикалық өсу мен әлеуметтік дамудың үлгісі болды. Сондықтан біз оның қайтыс болуын БАӘ үшін ғана емес, бүкіл әлем қоғамдастығы үшін орасан зор қайғы деп қабылдаймыз, – деді Қасым-Жомарт Тоқаев.
Қасым-Жомарт Тоқаев шейх Халифа бен Зайд Әл Нахаянның Қазақстан мен Әмірліктер арасындағы қатынастарды дамытуға елеулі үлес қосқанын атап өтті.
Кездесу барысында Қасым-Жомарт Тоқаев шейх Мұхаммед бен Зайд Әл Нахаянды БАӘ Президенті болып сайлануымен құттықтап, оның басшылығымен әмірліктердің одан әрі гүлдене беретініне сенім білдірді.
БАӘ Президенті өз кезегінде осындай ауыр жағдайда арнайы келіп, жеке қолдау көрсеткені үшін Қазақстан көшбасшысына ризашылығын білдірді, сондай-ақ елорда көшелерінің біріне шейх Халифаның аты берілетініне алғысын айтты.
Көшбасшылар екі мемлекет арасындағы ынтымақтастықты жан-жақты нығайтуға өзара ниетті екенін нақтылады.
Кездесу соңында Мемлекет басшысы БАӘ Президентін Қазақстанға сапармен келуге шақыруын нақтылады.
Кері қайту Кері қайту
Kaynak:https://akorda.kz/kz/memleket-basshysy-kasym-zhomart-tokaev-baa-prezidenti-sheyh-muhammed-ben-zayd-al-nahayanmen-kezdesti-154291
Avstriyada Millətlər Festivalında Azərbaycan mədəniyyəti təbliğ olunub , 2024 Avstriyada Millətlər Festivalında Azərbaycan…
Meeting of the CICA Senior Officials Committee .2024 https://x.com/MOFA_Tajikistan/status/1807319646720151592 Previous Next …
Nyu Yorkda İpək Yolu Festivalı keçirilib , 2024 Nyu Yorkda İpək Yolu Festivalı keçirilib …
В Ростовской области женский клуб «Единой России» провёл мастер-класс по изготовлению памятных сувениров для участников…
Cumhurbaşkanı Ersin Tatar, Doğu Akdeniz Üniversitesi’nin mezuniyet töreninde konuştu 04.07.2024 “Başarılı olmak için zorluklara ve…
Meetings of the Ambassador with the heads of Qatari companies 2024,.jpg https://x.com/MOFA_Tajikistan/status/1807314882401878402 …