Azərbaycan ABŞ-ın Roli şəhərində keçirilən beynəlxalq festivalda təmsil olunub
, 2023
Azərbaycan ABŞ-ın Roli şəhərində keçirilən beynəlxalq festivalda təmsil olunub
ABŞ-ın Şimali Karolina ştatının paytaxtı Roli (Raleigh) şəhərində keçirilmiş “Beynəlxalq Yemək Festival”ında ölkəmizi Azərbaycan Dostluq Təşkilatı təmsil edib.
Təşkilatın sədri Adika İqbalın rəhbərliyi ilə təşkil olunmuş Azərbaycan pavilyonunda xalqımızın zəngin mədəniyyətini və milli mətbəxini əks etdirən milli suvenirlər və nümunələr nümayiş etdirilib.
Adika İqbal bildirib ki, festivalı 80 min insan ziyarət edib. “Yerli sakinlərin Azərbaycan pavilyonuna marağı çox böyük olub. Gün ərzində Azərbaycan pavilyonunun qarşısında uzun növbə yaranıb. Biz Azərbaycan təamları ilə maraqlanan və onu sevən hər bir amerikalıya minnətdarıq”, – deyə təşkilat sədri vurğulayıb.
Festival çərçivəsində Azərbaycan Dostluq Təşkilatının nəzdindəki “Can Azərbaycan” rəqs qrupu milli rəqslərimizi təqdim edib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/azerbaycan-abs-in-roli-seherinde-kecirilen-beynelxalq-festivalda-temsil-olunub-3055