İsveçrədə fəaliyyət göstərən “Azərbaycanın Dostları” Birliyinin 15 illik yubileyi qeyd olunub
2024
İsveçrədə fəaliyyət göstərən “Azərbaycanın Dostları” Birliyinin 15 illik yubileyi qeyd olunub
İsveçrənin Sürix şəhərində Azərbaycan Respublikasının Diasporla İş üzrə Dövlət Komitəsinin dəstəyi ilə “Azərbaycanın Dostları” Birliyinin 15 illik yubileyi qeyd olunub. Tədbirdə çıxış edən Arzu Əliyeva Bodmer və Ramilə Mehdiyeva tədbirdə iştirak edənlərə birliyin yaranma tarixi barədə məlumat verib.
Birliyin təşkil etdiyi tədbirlər haqqında videoçarxın nümayişindən sonra ötən 15 ildə görülmüş işlərdən, İsveçrədə diaspor quruculuğundan danışılıb, birliyin idarə heyətində fəal şəxslər xüsusi qeyd olunub və onlara minnətdarlıq bildirilib.
Azərbaycan Respublikasının Diasporla İş üzrə Dövlət Komitəsinin və Azərbaycan Respublikasının İsveçrə Konfederasiyasındakı Səfirliyinin Birliyin fəaliyyətini hər zaman dəstəkləməsi vurğulanıb.
“Azərbaycanın Dostları” Birliyinin 15 illik yubileyini təbrik üçün tədbirdə digər diaspor təşkilatlarından qonaqlar, o cümlədən Latviya və Norveç diasporlarının sədrləri, Latviya Parlamentinin deputatı Amil Səlimov, Oslonun Östenşö bələdiyyəsinin komitə üzvü Ramil Əliyev və başqaları iştirak ediblər.
Yubiley tədbiri Azərbaycandan dəvət olunmuş sənətçilərin ifasında milli musiqinin səsləndirilməsi, rəqslərin nümayişi ilə başa çatıb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/isvecrede-fealiyyet-gosteren-azerbaycanin-dostlari-birliyinin-15-illik-yubileyi-qeyd-olunub-4536