Tallinndəki gimnaziyada Azərbaycan Günü təşkil edilib
2022
Tallinndəki gimnaziyada Azərbaycan Günü təşkil edilib
Estoniyanın paytaxtı Tallinn şəhərində yerləşən Arte gimnaziyasında 9 Noyabr – Dövlət Bayrağı Günü münasibətilə Azərbaycanın təqdimatı keçirilib.
Karyera Təhsil Akademiyasının təşkilatçılığı, Estoniya Təhsil və Elm Nazirliyinin maliyyə dəstəyi ilə baş tutan tədbirdə gimnaziyanın rəhbərliyi və müəllim-şagird heyəti iştirak edib.
Karyera Təhsil Akademiyasının rəhbəri Sənəm Əliyeva müstəqil Azərbaycan dövlətin rəmzləri, Bayraq Gününün tarixi, zəngin mədəniyyətə, adət-ənənələrə və multikultural dəyərlərə malik olan ölkəmizin iki il öncə Qarabağda əldə etdiyi misilsiz qələbə barədə məlumat verib, tədbir iştirakçılarının sullarını cavablandırıb.
Sonra Heydər Əliyev Fondunun sifarişi ilə çəkilən “Odlar Yurdu Azərbaycan” adlı sənədli filmi təqdim olunub.
Tədbir milli mətbəximizin nümunələrinə həsr olunmuş ustad dərsləri ilə davam etdirilib. Gimnaziyanın şagirdləri bu maraqlı prosesdə iştirak ediblər.
Sonda Arte gimnaziyasının kitabxanasına ingilis dilində Azərbaycana həsr olunmuş kitablar təqdim olunub.
FOTO QALEREYA
dostların arasında bunu ilk tövsiyyə edən sən ol
kaynak:http://diaspor.gov.az/az/news-detail/tallinndeki-gimnaziyada-azerbaycan-gunu-teskil-edilib-1949