Varşava Azərbaycan Evində azərbaycanlı tələbələr üçün maarifləndirmə seminarı təşkil edilib
, 2023
Varşava Azərbaycan Evində azərbaycanlı tələbələr üçün maarifləndirmə seminarı təşkil edilib
Polşanın paytaxtı Varşavada fəaliyyət göstərən Azərbaycan Evində bu ölkədə təhsil alan gənc soydaşlarımız üçün hüquqi məsələlərə dair maarifləndirmə seminarı keçirilib.
Polşa Azərbaycanlıları Şurasının təşkilatçılığı ilə baş tutan seminar zamanı polyak hüquqşünas Jakub Ksenjak (Księżak) tələbələri maraqlandıran məsələlərə aydınlıq gətirib və tövsiyələrini verib.
Azərbaycan Evindən bildirilib ki, Polşada yaşayan soydaşlarımız üçün faydalı olan ödənişsiz layihələri bundan sonra da davam etdirmək niyyətindədirlər.
Qeyd edək ki, indiyədək Diasporla İş üzrə Dövlət Komitəsinin dəstəyi ilə Polşada yaşayan yüzlərlə soydaşımıza ödənişsiz hüquqi yardım göstərilib. Bu məqsədlə 2020-ci ilin yanvarından başlayaraq yerli “Savicki və Vspolnicy Kancelaria Advokachka” hüquq firması ilə əməkdaşlıq edilib. Həftədə bir dəfə firmanın vəkili, Varşava Vəkillər Şurasının üzvü Piotr Savicki iki saat ərzində Azərbaycan Evində oturum, iş vizalarının uzadılması, iş yerlərinin dəyişməsi, ailə vəziyyəti ilə bağlı sənədlərin düzgün hazırlanması, sürücülük vəsiqələrindən istifadə edilməsi və sair məsələlər barədə soydaşlarımıza hüquqi məsləhətlər verib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/varsava-azerbaycan-evinde-azerbaycanli-telebeler-ucun-maariflendirme-seminari-teskil-edilib-3909